أول مـره إنـتــرنــت

يا ا ا ا ا ه الكلام ده كان سنه 99 اه انا فاكر كويس كنت ماشى من جنب محل في الشارع بصيت جوه لاقيت المحل مليان اجهزة كمبيوتر مترصصه جنب بعض و حاجة في منتهى الشياكه و الجمال برفع راسى وقعت عنيا على اسم المحل " مقهى الانترنت " كان اسمة رسمى زياده اللزوم ماكنت لسة الاسامى الروشه بتاعتنا موجودة زى spidernet , topnet , magicnet , friendsnet ,

وبقيت الكلام الفارغ ده

.
كان اياميها الانترنت غالى قوى بالنسبة لاسعار اليومين دول كانت الساعه من 5 الى 7 جنية تقريبا و في مناطق كانت بتوصل فيها ل 10 جنية

.
انا كنت في ثانوى في المدرسة المدرس بتاع الكمبيوتر يفضل يقولنا ان المدرسة هنا معمل الكمبيوتر بتاعها متوصل بالوزارة و ممكن ندخل لشبكه الانترنت عن طريق خط التليفون – نقوم كلنا نفندأ و نفتح بقنا و عنينا تبرقأ – فنحب نفهم شوية و نطلب من الاستاذ نتفرج على الانتر نت ده شكله اية يرد و يقولنا لا معلش يا ولا اصل حاليا لسة الشبكه ما اظبطتش بقوم الفصل كله يرجع يكمل نووووووووم

.
أول مرة دخلت سيبرنت كنت مبسوط جدا و مش ملاحق اعمل اية ولا اية ؟ كنت افضل ابص على اجهزة الناس اللى جنبى و اقوم انده الراجل اللى ماسك السيبر و جظى حلو انه كان شاب صغير شوية دى لو ان راجل كبير كان شاطنى ايد و رجل ذى الكورة

.
و لا لما عرفت ان انا ممكن اكلم واحد تانى في بلد تانية في نفس الوقت قعدت اليوم كله اتكلم على الموضوع ده و كل لما اقابل واحد افهمه و اشرح له مش فاكر اسم الموقع بالظبط كان اية باين جيران ولا حاجة كده كان عاملة عرب مغتربين وكنت لازم تدوس على زرار علشان تتكلم تقريبا

f6

.
و ما كانش ينفع يعدى اول يوم من غير ما اعمل ايميل يلا اهوا كله ببلاش – لا بلاش اية دى انا دافع في الساعه 5 جنية بحالهم – عملت إيميل على موقع

www.usa.net

كان شغال اياميها ..... طبعا الموقع ده قفل من زمان قوى
اياميها ماكنتش مركز على الجييمز ولا كان موجود زى دلوقت جييمز اون لاين و كان كله بيدخل على المواقع و الشات كانت أجهزة النيتندو و السيجا واكلين السوق كله غير دلوقت كله شغال على بلاى استيشن

.
البرامج : كان شكلها غريب و عقيم جدا عن دلوقت كل البرامج
و في برامج مش عارف ماعدتش مشهورة دلوقت زى

excit chat , odigo , efax

.
السرعه : طبعا كانت رايحها في نصيبة بالنسبة للوهم اللى احنا عايشين فيه دلوقت مش متخيل ان سيبر في 8 اجهزة يكون شغال على خط سرعته زى بتاع ال 0777 يا نهار اسود دى احنا عشنا ايام مظلمه

.
يلا الحمد لله انا احنا عشنا و استخدمنا الاختراعات دى

.
غيرنا مات من غير ما يشوف الردايو

.
بصراحه الانترنت من اعظم الاختراعات في القرن العشرين علشان ده اختراع جواه الاف الاختراعات الصغيره دى حتى فى أمريكا إختارو احسن اختراع لعام 2006 هوا موقع

.

www.youtube.com

.

يلا ايام و بتعدى

.